AS VARIEDADES DA LINGUA: A FALA

 

A linguaxe humana como ben expresou Castelao adquire unha concreción  en cada sociedade ou comunidade humana, polo tanto  diferénzase doutras por presentar unha diversidade lingüística e cultural que provoca a existencia de máis de 5000 linguas no mundo. O galego é unha delas que está dentro dun privilexiado 5% de linguas que ten máis dun millón de falantes. 

Por outro lado a lingua galega presenta unha serie de trazos lingüísticos que a diferenzan doutras linguas, unha especie de esqueleto que soporta un corpo de expresións ou fenómenos concretos da lingua que podemos denominar fala, a versión visible dese esqueleto. A fala é a expresión natural da lingua, a diversidade intenbna que existe en cada lingua. A gramática polo tanto presenta sempre unha variedade lingüística que son as diferentes formas de falar.

Logo está a competencia que ten cada falante, hai unha competencia activa, é dicir, o uso que fai cada persoa da lingua á hora de falar e unha competencia pasiva, que é a súa capacidade para entender as distintas variedades que usan as persoas que falan a nosa lingua. 

Logo unha lingua como a galega presenta unha variedade escrita común que axuda a identificar o idioma que falamos, existe grazas a esta e outros trazos un sentimento de unidade lingüística entre os seus falantes. 

A limgua estándar é polas súas funcións, a variedade de maior prestixio nunha comunidade, asociados a falantes instruídos e a situacións formais. Mais existe a oralidade, a expresión oral que resulta unha expresión distinta, menos ríxida da lingua. As diferenzas entre a escrita, esa lingua estándar e as variedades faladas débense pois a diferenzas contextuais. 

AS VARIEDADES LINGÜÍSTICAS

As variedades internas que presentan todas linguas responden a aspectos como son:

 A xeografía ou territorios onde se fala esa lingua. Son as variantes diatópicas ou dialectos.

O grupo social á que pentence un/unha falante. Son as variedades disatráticas ou sociolectos.

O tipo de situacións ou persoas ás que nos diriximos. Son as variedades diafásicas ou rexistros.

AS VARIEDADES DIALECTAIS OU XEOGRÁFICAS DA NOSA LINGUA

    

Na rede: As variedades lingüísticas

ACTIVIDADES: 

1- Ler o que o noso libro di sobre este tema das variedades lingüísticas.

2- Localizar a través da rede o territorio no que se usan a gheada, o seseo, e outros 8 trazos ou variantes dialectais, por exemplo na entrada da galipedia. Procura explicar a partir do mapa lingüístico as isoglosas en función dos distintos bloques dialectais galegos e establecendo un contraste coa lingua estándar ou galego común. 

3. Cales son os tres trazos lingüísticos principais que nos serven para diferenciar os denominados tres bloques lingüísticos do galego?