UNIDADE 0/ Traballo de investigación: O primeiro espertar cultural da Gallaecia (I)

Un primeiro traballo para indagar e non amortecer nin minguar: Partimos do concepto da Gallaecia imos afondar nun total de dez fitos nos que construír un achegamento a todo un cúmulo de circunstancias e personaxes que nos axuden a entender este período duns 2000 anos nos que pasamos da prehistoria e do mito á historia tirando do idioma do Imperio, é dicir, de Roma.

Imos usar nomes de personaxes ou acontecementos sobre os que asentar a nosa memoria sobre os galaicos, ese pobo entre dous mundos (Atlántico e Mediterráneo) da Prehistoria: 

Comezamos por BREOGÁN e ITH unha achega mitolóxica,

 reparar por outro lado a idea da nosa terra GALLAECIA como FINISTERRAE (a fin do mundo para gregos, romanos e celtas).   

Logo unha entre mitolóxica e histórica o primeiro contacto con Roma, DÉCIMO XUÑO BRUTO, O GALAICO e o RÍO DO ESQUECEMENTO.

Unha reflexión sobre a resistencia contra o invasor O MONS MEDULIO.

Pasar logo ao proceso de Latinización con latín escrito desde Gallaecia:

PRISCILIANO e o protocristianismo, o debate sobre a chegada do Cristianismo e as consecuencias.

EXERIA a primeira escritora da nosa terra da que temos noticia.

Dous historiadores para documentar a chegada dos Suevos á Gallaecia: OROSIO e HIDACIO.

MARTIÑO DUMIO, a reintegración á ortodoxia, testemuña dun mundo aínda cheo de ritos precristiáns.

Rematamos coa RAÍÑA LUPA e o achado do sepulcro de SANTIAGO no 813.

Haberá unha segunda parte, máis curta, deste traballo para indagar algo máis sobre a herdanza do céltico na nosa literatura cando abordemos a Prosa medieval.